Khristantemi Modi-i aniba sorkar dak temulung malemer

Indore, December 22 (Agencies): Khristmas atongtsü anogo ishika dang lia India nung Khristantemi kanga shisabulua tebilemtsü abener.
Tesüiba hopta ana tsüngda Madhya Pradesh, Uttar Pradesh aser Rajasthan nung Khristantemi Khristmas amungdang lendong balala ajuru.
Catholic Bishops Conference of India, (CBCI) president Cardinal Baselios Cleemis-i ashiba agi, “India nung Khristantemi Narendra Modi-i aniba BJP sorkar dak temulung melemteter.”
“Tamangba tsütsü telok tilatemi shisabulur kechiyong parnoki administration dak temulung melemteter. Anungji, telok tilatemi temulung lemtettsüsa sorkari mapa inyaka sayutsüla” ta Cardinal Cleemis-i osangbener dang ashi.
2014 küm Centre nung BJP sorkar akümba sülen Khristantem aser Khristan rejutem anema kanga mapa bulua inyaker. 2017 kija amakba aser raksatsüba ken o 600 jungnüa liasü, ta Cardinal-isa metetdaktsü.
Madhya Pradesh kübok Satna nung Khristmas carol kentena senzür nisung 30 shi ka dak teka sangshiba tatalokba sülen Cardinal Cleemis-i anir teshimtet telok kati Home Minister Rajnath Singh den ajurutep.
“Putir aser laishirtem dak teka sangshiba anema FIR kecha mebenok aser tiyazü onük nung putir pudaktsü ta onoki Home Minister dang ashi. Idangji pai ozüng nung aliba ama mapa inyaktsü ta onok dang nangzük” ta Cardinal-i osangbener dang ashi.