Khristian band Whitecross-i Nagaland nung kententsü

Dimapur, March 06 (TYO): America nung nüngtugo Khristian metal band, Whitecross-i April 12, 2019 nü Nagaland nung kententsü.
Whitecross teloki Agri Expo, Dimapur nung kentenba sentong ayonga agibaji tang India nung mezüng asutsü.
Iba concert ya Nagaland Bamboo Timber Unit-i ayongzüker aser Sky Entertainment-i ketdangsütsü ta osang angazüker.
Iba kenten sentong reprangtsü atema concert ticket ji kija atema sen 300 aser nisung ana atema sen 500 asutsü.
Ano iba dak alia VIP tickets ji jelia mekazüktsü (pre-booking) akok aser nisung ana atema ticket senji 10,000 den VIP all access badges ana, car pass, band merchandise, meet & greet/photograph, dinner aser autograph list densema alitsü.
Iba dak alia par telok den Nagaland sorkar indang Music Task Force-i anogo ka workshop April 11 nü Father’s House Church, 7th Mile, Chümoukedima nung ayongzükogo aser iba workshop atema registration fee ji sen 200 asütsü.
Anogo ka workshop nung onüktem rongnung- music business & marketing, ken züluba aser Church music densema alitsü.
Whitecross nung züngsemtemji Scott Wenzel, Rex Carroll, Michael Feighan aser Benny Ramos nunger lir. Iba telok ya 1985 küm Illinois, USA nung tentet.
Par teloki 1990 küm Dove Awards asem angu. Dove Award ya Gospel Music Association of the United States-i Christian music industry nung kentenertem nem agutsüba award lir.
Parnok indang kensep tasentiba ‘Nineteen Eighty Seven’ 2005 küm sayaa liasü. Parnoki adokba kensep rongnung Triumphant Return, In The Kingdom, Hammer & Nail densema lir.