Khristmas dak sendakba tongtibang tatalokbatem:

(Maneni taoba adok nungi…
5. 1918 küm nungi tenzüka Canada province, Nova Scotia-i Khristmas mapang Boston yimtiba nem Khristmas süngdong sempet ama agüja arudar. 1917 küm Halifax, Canada nung bomb aser merokmi lendong atalokba mapang Boston-i kanga nungita yaria liasü, aser iba tepela temaitsü sayutsü asoshi Nova Scotia-i iba sempet (Khrismas süngdong) agütsür.

6. 1914 küm World War I mapang British aser Germany na tsüngda Khristmas tezüngzüktep ka aiga liasü, kong iba telok ana tsüngda sempet agütsütep, külemi football asaya aser parnok jenokdak Khristmas naro yoka tepor junga renem. Iba tatalokba otsü ya “Silent Night: The Story of the World War I Christmas Truce” ta sür kaket ka Stanley Weintraub-i züluogo.

7. Khristmas mapang kidang, kima aser yimdong nung ‘Christmas wreath’ ya Yisu Khrista temaitsü ka ama iloka ayur. Iba wreath nung ‘holly’ temaitsüji Pa dak semoktsüba ai korang aser süngjang temerem (red berries) temaitsüji meimchir temenen atema Pa kangi nung meta azü tokshiba indang asütsü.
– Maneni taruba adok nung…