Khudengthabi nung temesepba mozü jenti apu

Imphal, Jan 14 (Agencies): Manipur-Myanmar arrtsülen, PVCP, Khudengthabi nung Aenjeti/Jan 13, 2019 nü Tengnoupal Battalion-i ozüng alema temesepba mozü shibelener ket nungi sen cr. 5.78 jenjang WY Tablets 1,44,000 aser Brown Sugar gram 732 shii puogo.
Directorate of Revenue Intelligence (DRI), Imphal osang ajanga angazükba agi, Khudengthabi Post nung alir sepaitemi Moreh nungi Imphal tashi aotsü aliba Maruti Van ka mita reprangdang item mozüji apu. Sepaitemi mita reprangdang taseptsü nung tablet 1,44,000 den Brown Sugar asütsü ta temulung melemi bilemba powder grams 732 shii gari tesülen mijang abenba yangkhu ka nung seper miima yua aliba putet. Iba mozü shibelenba nung sepaitemi apurtemji – Urup nungi Noor Khan aser Awang Leikei den Thoubal district nungi Lilong nunger liasü.