Khulioh King & Barack FC na 16 buba NSF semifinal-i iogo

Dimapur, October 09 (TYO): Khulioh King Tuensang aser defending champions, Barack FC Peren telok nati tanü Hokolbar nü asayaba quarterfinal asaya nung takok ngua tang tasayadak 16 buba NSF asayamong semifinal nung shilem agitsü jenjang nguogo.
NSF nung tan mezüngsüa shilem agiba telok, Khulioh asayartemi tanü asaya tenzüker minute 56 nung goal 1 agütsüba sülen Alianza FC Dimapur telok nem goal agütsütsü maongka magütsüi kanga junga asayaba yong par teloki goal 1-0 agi Alianza telok madak mezüngbuba asaya koka semifinal nung shilem agitsü jenjang angu.
Barack telokia goal 5-0 agi Lau Youth & Students’ Organization telok tanabuba asaya nung ajemshia akok.
Nzauhutbo, Nyithung aser Salu Kulim nungeri asaya tenzüker minute 28, 36 aser 44 buba nung goal ka ka agütsüba yong asaya mezüngbuba shilem tembang tashi nung par Barack teloki goal 3-0 ngua temaba jenjang angu.
Asaya tanabuba shilem nung, asaya tenzüker minute 59 aser 68 buba an nung Nzauhutbo aser Salu nati maneni goal ka ka agütsüba yong par teloki tanü asayaji koka semifinal-i ai.
October 10 nü asaya yamai alitsü:
Nagabazar Youth Organisation vs Pro-Streax United Dimapur
@ 11:30 am
Addax FC, D. Khel Kohima Village vs Senapati FC Manipur @ 1:30 pm