Khulioh King & Barak FC Peren na NSF quarterfinal-i iogo

Barack FC aser Country Boys asayartemi toktepa shilem agiba noksa nung angur.

Kohima, October 05 (TYO): Khulioh King, Tuensang aser Barack Football Club, Peren telok nati tanü Hombar nü takok ngua tang tasayadak 16 buba NSF football asayamong quarterfinal nung shilem agitsü jenjang ajangzükogo.
Tanü mezüngbuba quarterfinal asaya tembangba mapang, minute 70 tashi nung Khulioh aser The Tribal FC Kohima telok napronglai goal kata magütsüteti kasa jenjang nung asaya.
Ajisüaka, injury added time nung Ratobe-i par Khulioh telok asoshi goal 1 agütsüba yong par teloki goal 1-0 agi tanü mezüngbuba asayaji akok.
Barack telokia goal 1-0 agi Country Boys telok madak tanabuba asaya koka par teloki quarterfinal nung shilem agitsü jenjang angu.
Nzahantbo-i asaya tenzüker minute 64 buba nung par Barack telok asoshi takokba goalji agüja liasü.

October 6 nü asaya yamai alitsü:
Laü Youth & Students’ Organisation, Manipur vs Kohima Village Students’ Union @ 12:30 pm
Alianza FC Dimapur vs New Market XI @ 2:00 pm