Khutak Prayer Centre nung asentenshi sentong akatsü

Mokokchung, Sept 21 (TYO): Longjang nung aliba ‘Khutak Prayer Centre’ nung taruba October ita 2 nungi 4 tashiji asentenshi sentong ka “temeshiba süngküm kü nem lapokjangma” omen dak rangloker ayongzüka lir ta sangdong ka ajanga metetdaktsü.
Iba sentong nung Tsüngrem osang abenerji New Life Church, Pastor, Azhato asütsü aser pa den yariteper tsüngibangir (counselor)-temji; Hokali, Hezheli, Yanger, Thenuvinuo, Jesavinuo nungertem alitsü.
Iba sentong ya angati dang alitsü aser tanendak aser chiyungtsütem tayongeri anepalutsütsü, anungji, tejangrartem ajak arua temoatsü agitsü ayongzüker ta kasa sangdong nungsa metetdaktsü. Iba dak sentakba nung kari danga osang tejangja metetnüra item mobile number 9862544190/9612057566 nung tongteprateptsü akok.