Khutak Prayer Centre nung Youth Camp akatsü

Mokokchung, May 22 (TYO): Mokokchung district kübok Longjang nung aliba Khutak Prayer Centre nung lanurtem asoshi “Youth Camp” sentong ka June 2-4, 2017 tashi “Tang arung, aser asenoki külemi shisadangdi, ta Kibubai ashir,” (Isaia 1:18) omen nung ajemdaker ayongzüka lir, ta Hombarnü osang ka ajanga metetdaktsü.
Iba sentong nung Rev. T. Meren Jamir-i Tsüngrem osang abentsü aser Alempang Youth Ministry nungi lanurtemi iba sentong nung ‘Tetushi aser Tekülem’ agitsü sentong renema lir, aser iba sentong nung adeni arur ajak asoshi chiyungtsü angati agütsütsü saka abensüoshi (bedding) bo peisasa renemer arutsü asoshi tayongertemisa metetdaktsü.
Iba Youth Camp sentong ya Longsa nunger Takamanen’er kibongi tenla agüja katsür. Iba sentong nung tejangrar ajak arua shilem agitsü asoshi parnokisa shisem.