Khuzama nung Kohima Police-i heroin touzük gram 739 apu

Kohima, Mongputeni/October 24 (TYO): Mongputeni/October 23, 2018 anepdang 9:00 ako meta Khuzama interstate check gate anüker Kohima police-i garitem mita reprangba mapang nung Maruti Gypsy ka nung heroin südi, ta bilemba mozü gram 739 shi miima aliba puogo, ta Addl. Superintendent of Police & PRO, Kohima-i sangdong ka ajanga metetdaktsü.
Heroin ji polythene nung aleper plastic nung miima bener lia apu.
Iba dak sendakba nung gari nungji mena alir arishi küm 38, R.K. Hopingson (S/o. Khezhu, Vill- Phaibung Khunou, PS- Tadubi, Dist- Senapati, Manipur) aser arishi küm 38, L. Rebeca (W/o. Th. Joseph, Vill- Koidi Makha, PO- Maram, PS- Tadubi, Dist- Senapati, Manipur) na pua NDPS Act kübok tena anema ken o benokogo.
Heroin ji local market nung sen lakh 8 shi jenjang asütsü.
Ano tanga tatalokba ka nung, 04/12/2017 nü tezüluba ka nung arishi küm 35, Shankar Barik (S/o. Karanadhar Barik, Vill- Kismatpatna, PO/PS- Bhupatinagar, Dist- Burpa Medinipur, West Bengal, P/A- Bhimpore Kadaiya Nani, Daman)-i nisung ana sen 5,70,000/- yong ashioktsüba atema pa anema ken o ka agutsüba nung ajemdaker Kohima police-i iba ken o bushisüngdanga liasü, aser tesüsa tai tonglokja alisangji Daman-i jena ogo ta metet. Daman aser Diu nung local police teyari agia tai tonglokja alisangji 12/10/2018 nü pua bushisüngdangtsü atema Kohima-i anir aruogo, ta kasa sangdong ajanga metetdaktsü.