Ki ka nung tayimtsü aluagi tsüok; 10 asü

Philippines, Bulacan province kübok Plaridel jila nung tayimtsü tilaka ki ka nung tsükokba sülen tekümzükertemi tasümang agitetba noksa nung angur.

Manila,Metsüremi 17 (Agencies) : Tanü Küptoknü Philippine yimtiba Manila anasa ki ka nung tayimtsü tila ka luagi tsüoka nisung ti süogo, ta police aser aviation official-temi osang ka metetdaktsüogo.
Kol ana keta aliba tayimtsüji Plaridel jila nungi yimketa tur mapang tatsüka tsüngda tantsür ka kidang luagi tsüok aser tayimtsü nung mena alir par pongu prongla denji ano kidang liasüba otsüla (küm 80 tain), tetsü ka aser lar jala asem densema ajak agi parnok ter süogo, ta Superintendent Julio Lizardo-i metetdaktsü.
“Tayimtsü teraksa nangdena alibaji kakteta oorang tasümangtemji agitet,” ta paisa ashi.
Lite Air Express ajanga anepaluba Piper PA-23 Apache tayimtsüji kechi ajanga tsüokar ketdangsertemi ashitsü memulungi liasü.