Ki oset ayokba dokan ‘Lirunas’ Kohima nung lapokogo

Kohima. March 10 (TYO): Lirunas ya dokan tila ka lir aser iba dokan nung electronics oset balala asenoki ki telung nung aginüba ama yanglur aliba alitsü akoktsü.
Iba store ya Kohima nung New Secretariat lenmang nung tanü lapok aser iba dokan nung oset balala, sempet aser style balala nung yanglur aliba ki osettem angutsü.
Iba dokan nung ‘vases’, ‘frame’, ‘crockery’, jara nung ayuba tanüdangtsü, anütetsü tejen aser iba amala oset balala angutsü.
Tila tanurtem asoshi oset balala, stationery, anüshi aser raincoat amala angutsü. Tarutsü nung iba store nung kakettem ayoktsü tebilemba lir, ta osang ajanga ashi.