Kibong akümba sülen Shahid-i pa sapurtem den tepela lemsateper

New Delhi, July 22 (Agencies) : Actor Shahid Kapoor aser Delhi tsür Mira Rajput na kibong akümba atema pa sapurtemi tepela osang metetdaktsüba den moatsüba atema Shahid-i pelaba metetdaktsüogo.
“Shahid-i salem osang abenba ajak pelaa agizüker aser Mira tena dang temeim sayuba atema kanga pelar” ta Shahid atema otongdari metetdaktsü.
“Haider” film nung shilem agir Shahid kibong akümba atema pa sapur meyirjang aikati tepela salem lemsatepogo. Ajisüaka, pa kiyimba benjung nung mazüngi aliba ajanga osangtem meyipa melangzütet.
“Tang pai salem osang abenertem dangi telangzüba yoktsü meranger” ta otongdarisa shisem.
July 7, 2015 nü Shahid aser Mira na New Delhi nung kibong aküm aser iba sülen July 12 nü Mumbai nung sentong ka ayongzüka agi. Iba sentong nung Bollywood megastar Amitabh Bachchan-i anir nüngtugu nisung aika aden.
Pa kibong akümba sülen Shahid-i mapa inyaktsü tenzükogo aser tang TV show “Jhalak Dikhhla Jaa Reloaded” nung pa tetendanger ka ama shilem agidar.