Kibong akümtsü mechi temang tuozük pound 22 ajem : Adrienne

Los Angeles, November 17 (Agencies): Kentener Adrienne Bailon kibong akümtsü mechi nung temang tuozük pound 22 tashi ajemdaktsü.
La taoba hopta ang Paris nung kibong kümogo.
“Real” sentong ketdangsüla aser kentener Adrienne-i la gospel kentener Israel Houghton den Paris nung kibong akümtsü mechi nung la temang tuozük sashia ajemdaktsü, ta people.com osang ajanga metetdaktsü.
“3rd Street, Los Angeles nung aliba Berri’s Cafe nung lobster pizza achiba mapang kena meimtepa aküm. Küna külemi temang tuozük tali aküm aser tang ano külemi ajemadaktsür,” ta Adrienne-i ashi.
“Kü temang nung süoshi shitak süa semtetba atema kanga pelar aser iba ya teti atema südaktsüner. Kü taküm tepiyong temang yamai ali nung ajungtsü. Ni exercise agidang jangra atemer. Exercise agidang ni jangra atema agi ni pelar. Israel Houghton-a temang tuozük pound 25 ajemogo aser pa kü dang nungi tajemba lir, ajisüaka ni pa den tokteptsü,” ta lai ashi.
Arishi küm 33 tain, Adrienne-i la Houghton den kibong akümbaji kanga pelar aser temoatsü ta züngshir.
“Ni shitakba nung ni kanga moaogo ta bilemer aser kanga pelar. Kü taküm tepiyong nung ni tang pelaba ama kodanga mepeladang. Ni tang kü mulung nung tepela aliba ama kodanga memetet. Ni iba tepela merasatetter, ajisüaka tepela balaka agi ni kanga süngjema bilemer. Küna temulung kanga junga metetepa akümba agi ni pelar. Ni tangar dang ni tang koma bilemer ibaji kecha sayutsü tenüngdaktsü madoker saka iba amai teti lidaktsüner aser teti alitsü,” ta Adrienne-i ashi.