Kibong kümer külemi alidang tasoba küm 109 aser 102 ajunger

Kübong kümer küm 89 ajungtsü ita ishika dang lia dena tasoba anogo balala süaka külemi anogo ka nung amungtsü sentong lir, Iba ya alima nung kibong kümer talangtiba külemi apuani alir asütsü südi.
Karam Chand arishi küm 109 ajunger aser pa kinüngtsü Kartari küm 102 ajungba anogomung Sept. 6, 2015 nü Bradford, West Yorkshire nung amungtsü. Dena 1925 küm kibong aküm aser tainlonglong mapang India nung meimteba liasü.
1905 küm Punjab state kübok yim tila ka nung Karam aso aser pa küm 20 asüdang aser 1912 küm Kartari tasoba küm 13 asüdang dena kibong akum aser la-a tebuba den kasa district nungi dang lir. 1965 küm Karam o Katri na England linük ao aser idakji tang tashi alir. Tang dena chir 8, semchir 27 aser tanabuba semchir 23 tashi Tsüngremi moaja lir.