Kibuba aji kü “TIA” asütsü

Govt. mapa inyaker ka ki tajung ka nung küm 35 jangratema lia aru-er külen küm ter lia pension alutsü mapang nung, pa aliba aliji pa, tenüng nung patta yanglu aser kiji dismental tenüng nung sen meyi tenem agi dept nungi alizüker pai yamai ashi, Tsüngremi ni kanga moatsüogo, anungji Tsüngrem nem tenüngsang agütsüdi ta sür pai kotak len repranga ashi, ni kü temeyong agi koba lai tekong nung tutet-dir aji kü “TIA” asütsü.
Mezüngbuba: Yob 20.19. Kechiaser pai sensakertem kangshi aser oda toktsü; pai meyangluba ki ka dak pa teka yia rakzük.
Tanabuba : Api. 10.2. Tamajung agi ajangzükba rongsenji kecha tajangzük mali, saka ochishibai tasüba nungi kümzüker.
Tasembuba: Api. 20.17. Külekkübong agi bena aruba chiyungtsü nisung tsüngdang tanang. Saka tesülen pa tebang lungsang agi asüngtsü.
Pezübuba : Habkuk 2.9. Shibai pei kidangi tamajung tajangzük bena arur; oda tamajung teka nungi kümzüktettsü pei tesep temalen yanglur pa aiatai!
Pungububa: Yer 22.13. Shibai pei ki memeshiba agi yangludir, aser pei taktang temaba ochi mashiba agi yangludir, ayatai!
Terokbuba : Yob 17.5. Shibai shilem ka angutsü meji pei tembar dang tiazü jembir, par chirtem tenük pokdaktsütsü.
Tenetbuba : Yob.20.5. Tamajunger takokbaji ari mashir, Aser Tsüngrem dak mamanger pelabaji kenbiga dang, ta nai ya meteter ma?
Tibuba : Zefania.1.13. Parnok rongsen tesamaba akümtsü aser parnok kitem azüngmeyaka akümtsü; hau, parnoki ki yanglutsü saka item nungji malitsü, aser parnoki tsükmenatsü lu ayimtsü saka iba nungi yi majemtsü.
Tukububa : Amos.5.11. nenoki lung angenteta ki yangluaka itemnungji malitsü, nenoki tesükmenatsü lu tajung yimaka, nenoki item yi majemtsü.
Terbuba : Isaia 38.1. Item anogo Hezekia tasütausa shirang aser Amoz chir Isaia ainkar pa dangi aru, aser pa dang ashi. Yamai Kibubai ashir, ner ki tiptema yuang, kechiyong na asütsü aser taküm malitsü.
Item lai tekongtem zünger külen pa mulung shiranga tatembangbuba lai tekong lapoker azünger.
Yob. 24.12. Tasürtemi anüngba ola yimti nungjagi adoker; Aser yirua alirtem tanelai teyari asoshi ayimtener; Saka Tsüngremi parnok sarasademji hau ta mali.
                                                                         Lili: Solomon, Dmp.