Kibuba asenok jenokdak

Aser parnok nisung shia mopung nungi tatsükzükdak yipru nungi tejenokdak amai alitsü (Isa 32:17).
Kechiyong Pai tasü ain akabaji, oda Satan, tasüba ajanga amajok kümdaktsütettsü asoshi (Ibri 2:14). Saka O, nok, kü sannüker anema ta temeranger Kibubai ashir; sannüker dak zükang, aser santem prokshitsü; aser tilatem madak ni kü ket meyiptsü (Zeka. 13:17). Ni aser kü Bu ka dang (Yn. 10:30).
Shibai Tematiba jenokdak alir, pai ajak Takoksang akhümpok nung alitsü (T.Ken 9:1). Aser anüngdang tatem nungi akhüm asoshi takümbangtsü ka aser yipru aser tsünglu nungi jenokdak ka aser tetongbangtsü ka alitsü (Isa. 4:6). Kü mulungjang lula dang, alima tatem nungi ni Ne dang ajatsü, kü dang temaba lungi Nai ni aniang (T.Ken 61:2). Kibuba ne tanüker lir: Ne teka tajichilen madak Kibubaji ne akhüm lir; anüngdang anü agi mesüra aonung ita agi na mazüktsü (T.Ken 121:5,6). Na kü tatsükokdak; Nai ni timtem nungi kümzüka ayur: Tekümzükba ken agi nai ni meketbanger (T.Ken 32:7). Kechiyong tesashi nisungtem ain adokba atsüki jara anema yipru aitba ama, mokokmeiner Pa tejashi mapang tashi tait mitsa, yipru nungi jenokdak, tatsük nungi akhüm ka alitsü (Isa.25:4).
Oba Tsüngrem, iba tebelemba li nung ni teti Ne dak jenoka alitsü kü dang yariang. Amen.