Kibuba asoshi yongyaseta atar

“Kibuba asoshi ni atar, kü nelai atar aser pa a nung ni yimlar” T.Ken 130:5
Dawid taküm nung asentenhi tulu lir külen, pai anogoshia sakdang Tsüngrem tanela den alitsü yongyaseta aliba ama, tanüa asenoki Yisu asoba benjungmong mapang, asen tanela agi yongyaseta alitsüla. Khristmas ta asüba ola kisung angashiba agi asen mulungjang kodaka peladaktsür.
Khristmas mapang tonga arur ta asüdangbo joko tanela aser shi ajak arakzüa tepela tulu agi asünger. Khristmas Mapang tongogo ta meteta kanga mazüngi aseni aginüba aser jangrabatem ajak renema ayutsü meranger aser yongyaseta atar. Khristmasji Yisu asoba benjong. Yisuji asen Kümtetdakba aser asen menen aiangzüksang ta metet. Ibaji junga angateta ali nung Yisu asoba benjongmongji tajungtiba nung renema atar amongtsüla ta meteta renemteper.
Khristmas mapang tajungtiba renema atar as en mulungjang nung Yisu sodaktsütsü sarasadema atabaji tenükshitsü aketba tangatetba tajung ka lir. Yisuji asen mulungjang nung sodaktsütsü ta yongyaseta ataba tanelaji asen dak asütsüla aser iba tamang tanela jaki asenoki Yisu asoba anogoji shi agi masu saka asen tanela agi yongyaseta atadi.
Sarasadem : Kibuba Yisu taküm Khristmas ternemshiba ya ali rongsen nung masü saka onok tanela nung renemshiba ka südakjangma. Amen