Kibuba leniba tashi

Ni anema tepelatep, O kü tsükchirtem: ni laoka, ni noktaktsü: ni tammang nung menaka, Kibuba ni asoshi tesangwa alitsü (Mika 7:8).
Tzü ajanga kodang na süia odir, Ni ne den alitsü, aser ayongtem ajanga parnoki na memobangtsü: kodang na mi ajanga jajadir, na marungtsü, mesüra milak ne madak mejangrutsü kechiyong Ni Kibuba ne Tsüngrem Israel Temeshisang na kümzüktsüba lir (Isa. 43:2,3). Aser nükpokertem parnoki memetetba lenmangi Ni parnok bener arutsü; parnok jakdang tammang Ni tesangwa kümdaktsütsü, aser tekirak temetong kümdaktsütsü. Itemi Ni inyaktsü aser Ni meinyaki meyutsütsü (Isa. 42:16).
Au, ni tasü akhüm ayongküm ajanga jajaaka, ni kecha lendong metsübutsü, kechiaser Na kü den lir: Ne mechi aser ajok agi ni süneptsür (T.Ken 23:4). Koba mapang nung ni tsübudir, ni Ne dak tamang ayutsü. Tsüngrem dak ni Pa O asangtsü: Tsüngrem dak ni kü tamang yuogo, ni metsübutsü (T.Ken 56:3,4). Kibuba kü tesangwa aser kü tekümtet: ni shiba tsübutsü? Kibuba kü taküm tashi, shiba dang ni tsübutsü (T.Ken 27:1).
Kibuba, Ne leniba tesangwa nung kü taküm lenmang lidakjang. Amen.