Kibuba mapa inyakertem amajok masü

Kibuba mapa nung teti maitsüi nokdakang, kechiaser Kibuba nenok mapa amajok masü (1Kor. 15:58).
Anungji nenoki kechi koda Kibuba Yisu Khrista agizük, yamaji Pa dak tera yanga aser metenloktepa, nenok dang sayuba tamang nung akangdakja, tenüngsang kanga agüja Pa dak jajaang (Kol 2:6,7). Saka shibai tatem tashi aremdir pa kümzüktsü (Mtt 24:13). Aser ali tajung nung alibaji ya, parnok temulungjang tajung aser ochi nung parnoki Oji angashia aji akanga amet aser taremzük nung tejang atanger (Lk 8:15). Tamang agi nenoki akang akanga noktak (2Kor 1:24).
Sangwadang ni tenyaba mapa asenoki inyaktsü tim . Kodang shingaia meinyaktettsü, ibala amang arudagi. (Yn 9:4).
Shibai pei nung prokdir pai shi nungi tesamaba arutsü; saka shibai Tanela nung prokdir Tanela nung teti taküm arütsü aser asenoki tajung inyakba nung melakli, kechiyong asenoki temulung makai mekümra mapang shitak nung inyaklen lira, nisung ajak asoshi tajung inyakdi (Gal 6:8-10).
Kibuba Yisu, Na maru tashi ni tamang nung mechimii Nai tenyaba inyaka atatsü yariang, Amen.