Kibuba mapatem indang kuli asütsü

Pai ajungba asoshi, aser nisung chirtem dang Pa tesüngmangtsü mapa asoshi nisungtemi Kibuba tenüng sangdakjang! (T.Ken 107:8).
O Kibuba, junger ta menakdangang aser metettang; shibai Pa dak jenoker pai moa (T.Ken 34:8). Na ajungba koda tulu, koba Nai Na tsüburtem asoshi rizüngja lir. Koba nisungchirtem madang, Ne dak jenoker tem asoshi Nai inyak! (T.Ken 31:19).
Nisungtemi Kü tenüngsang yoktsü asoshi ni atema Ni parnok yanglu (Isa.43:21). Aser Pa taochi, koba Pai temeimsang nung asenok nem angati agütsü, iba taochi sentsüwangshi tushitsü asoshi, Tsüngrem temulung achiba amato, Yisu Khrista ajanga asenok Tsüngremi Pa chirtem ama akümtsü mezüngyongi shimtet, aser Tsüngrem sentsüwangshi tushiba asoshi Pa pei takabaji malangzük tashi, tanela temeshiji asen senmang mezüng agütsüba lir (Efesa 1:5, 6,14).
Kechiyong Pa ajungba koda tulu, aser Pa topur ajungba koda tulu lir: asangurtem tsük agi aser aiürtem yi tasen agi tashi itta kümdaktsütsü (Zak.9:17). Kibubai ajak dang ajunger, aser Pa temeim yimlibilem, Pa mapa ajak madak lir, Ne mapa ajaki Ne nem tenüngsang agütsü, O Kibuba, aser Ne temeshipuri Na moatsütsü. Parnoki Ne yimli sentsüwangshi indang jembitsü, aser Ne ain indang jembitsü; Pa mapa tulu nisung chirtem dang metetdaktsütsü, aser Pa yimli akhüm tulu sentsüwangshi indang metetdaktsütsü (T.Ken 145:9-12).
Temeimba Oba Tsüngrem, Nai yangluba topur tajung mapatem indang kuli asütsü kü den Ne tatenba teti dena liangma. Amen.