Kibuba, ne den lir (Zep 3:15).

Na tetsübu, kechiyong Ni ne den lir, tamataria teli, Kechiyong Ni ne Tsüngrem lir: Ni na tashi itdaktsütsü; Au Ni na kü Temeshiba teka tajichi agi ajungketsü(Isa 41:10). Nenoki tashi mait teka tashi itdakjang aser tashi mait temokok akangakanga kümdakjang(Isa35:3). Kibuba ne Tsüngrem tashi tulusangi ne nem takok agütsütsü ne den lir: tepela agi ne madak alitsü ne madak Pai ken tena pelatsü (Zep 3:17) Kibuba asoshi ataang: Tashi itang, aser ne mulung tasü itdakjang (T.Ken 27:14).
Aser iba chuba menden nungi ola tulu ka agi shia ni angashi, “Ajiang, Tsüngrem süki nisung den lir, aser Pa parnok den lir, aser Pa parnok den alitsü, aser parnok Pa pur akümtsü, aser Tsüngrem peisasa parnok den alitsü, aser parnok Tsüngrem asütsü.” Aser parnok tenük nungi nüktzü ajak Pai aidoktsütsü, aser tasüba joko malitsü; mangyimtsü mesüra tajebtsü, mesüra tekangshitsü joko malitsü; mezüngbubatem süitemogo (J. Adok 21:3-4).
Kibuba Yisu, tasüba aser tajepba maliba yimti renemtsüba asoshi Ne tenüng asanger. Amen.