Kibuba nung Ulua aienba

Saka temeim nung ochi jembia ajak nung pa dak nenok aintsü Paji tekolak oda Khrista.
Ali-i pei sasa tejang atanger; tamasa to, idangji tsükjong nung tsük tashi.
Pai kar tenyar, kar ainkar, kar sayutsüngir aser kar pastor aser kar tesayur asütsü agütsü.
Saka pei tenüng asangba kar den peisasa züngsemtsü aser medemdangtsü onok tasü ait masü. Saka parnoki parnok o parnok na asatepa, aser parnok o parnok na medemdanga kecha mangatetter.
Saka shibai uludir pai Kibuba nung uluang kechiyong shibai pei sasa junger ta sangdir pa tetemsü masü, saka Tsüngremi shiba dang junger ta sangdir pa tetemsü.
Ya ajakji tarutsü aliba akhüm dang; saka temangji Khrista meyong. Tekolak shiba kübok nung temang rangben, teloktep aser shi tetsü külemi lungjemer Tsüngrem ainba nung ainer, iba tekolak den lungjema alitsü melena, amajok shi temulungsentsü agi mezümeküma kümer lumiba aser kotak tenyar külemba yimsü atema shinga nema pei sünütsü süa nenok asoshi ozüng teyangludaktsü. Saka asen Kibuba aser Kümtetdakba Yisu Khrista taochi aser temetetba nung inang. Tang aser teti tatem makai Pa dang sentsüwangshi sang. Amen. Ef. 4:15; Mk. 4:28; Ef. 4:13; 2 Kor. 10:12, 17, 18; Kol. 2:17-19; 2 Peter 3:18.
Kibuba Yisu, Na mesüka main tashi ni tanela nung injen aintsü Ne tesayuba kü mulung nung teti angatetta lidakjangma. Amen.