Kibuba nung uluba

Kechiyong shibai na balaka kümdaktsür? Aser nai magizükba kechi aka? Saka nai aji agizük süra, nai magizük ama kechiba ulur? Tang joko nenok süngadoker na?
Saka Tsüngrem taochi agi ni kechi lir aji lir, aser Pai kü nem agütsüba taochi amajok mangu. Saka ni parnok dang tali angazüka inyak, aji saka ni masü, saka kü dak aliba Tsüngrem taochi agi ni inyak.
Pai yangluba rongnung mezüng tejang asenok asütsü asoshi, Pai pei mulungba amato ochi O agi asenok sodaktsü.
Anungji ibaji shibai mulunger pa nungi masü, mesüra shibai asemer pa nungi masü, saka yimlibilem akaba Tsüngrem nungi.
Ajangla uluba kong ali? Ibaji makai kümogo. Kobala ozüng agi? Mapa agi na? Masü, saka tamang ozüng agi.
Saka Yisu, shiba asenok asoshi Tsüngrem nungi shisatsü aser temeshiba aser temeshitetba aser talangzükba aküm, iba Khrista nung nenok Tsüngrem dak nungi lir. Anungji zülua aliba ama, shibai ulur pai Kibuba nung uludakjang.
Aser kodang nenok mashi jajaba aser temenen ajanga tasütsü liasü, pai nenok taküm kümdaktsü. Iba alima putu amato…, pa sülen temenen nung ken jaja, aser parnok rongnung asenoka ajaki shi jabujari nung ken lia, asen shi aser temulung jangraba benshi aser tangar ama yimya agi ain adokba chirtem liasü.
Aser ibalaji nenok rongnung kar liasü, saka asen Kibuba Yisu Khrista tenüng nung aser asen Tsüngrem Tanela nung nenok shidokogo, nenok meshitetogo, nenok metendaktsüogo.
1 Kor. 4:7; 1 Kor. 15:10; Yakob 1:18; Rom 9:16; Rom 3:27; 1 Kor. 1:30; Ef. 2:3; 1 Kor. 6:11
Temeim Tsüngrem, Yisu Khrista zü nung kü menen shidoktsür metendaktsüba asoshi Ne tenüng asanger. Amen.