Kibuba sülen anitakba nungi temeyip

“Aser shirnoki Kibuba sülen anitakba nungi meyipa oadok, aser shrinoki Kibuba mebushi mesüra pa dang masüngdang, parnok leptokadoktsü ” – Zefania 1:6
Alima yimya nung tongtibang tesayuba kaji, shirnoki tashi anga alir parnokji takoker taküm aser shirnoki tashi mangar parnokji tamakoker taküm alitsü, Ano kodang asenoki Tsüngrem O ji reprangdir, shirnoki Tsüngrem tsübua pa lenmang nung jajadir parnokbo teti Tsüngrem temoatsü nung alitsü. Tsüngrem temoatsü ajangzüktsüba ya, asenoki zübazüba dangbo majangzüktet, saka asen taküm jagi inyakteta sayutettsüla, amangtettsüla, aser pa temeimji benshitettsüla.
Shirnok Tsüngrem temoatsü nung alir, parnok jagi Tsüngrem ochi shiba ozüng dak amangteta benshir. Atangji, asenok asoshi tashi angaba ya tongtibang lir.
Saka Tsüngrem dak amangba aser Pa sülen anidakba nung asenoki tashi mangai lira asenok sentsütsür taküm kaka lir. Tsüngrem jashidaktsüba taküm, Pa ashioktsür taküm jibo Tsüngremi Ieptoktsü… tetezü, asen taküm, kibong, lokti, ajak, Tsüngrem temoatsü, azükaru, kodanga malitsü, saka atakatem aser aiatai tia nung dang alitsü. Ainkar Zefania ashir, Kibuba sülen anitakba nungi temeyip, akang akanga Tsüngrem dak azüeitang.
Sarasadem:  Kibuba !! Nü den teti alitsü Nü tashi agüjangma. Amen