Kibuba tai nangzükertem aochir

Aser parnoki menaba tai ajak, nabong jagi pei dak azüngmeyak linük kati abentsü: aser pai arem nung nabongji chioktsü.
Tebui pei chirtem dang aochiba ama, yamaji Kibubai Pa tsübubatem dang aochir.
Item anogo nungji aser iba mapang nungji Kibubai ashir, Israel dak tai bushitsü, aser kecha malitsü; kechiyong ni shir anünga yutsür parnok dang ni tai atoktsü.
Pei senmang tanüngba asoshi, aser ozüng raksaba zütokba na mesük Tsüngrem shiba ali? Pai teti pei ain adoka malir kechiaser pai yimlibilem nung pelar. Pai tanaben meyiptsü aser asen madak taochi akatsü; asen tai Pai tetsüng kübok ajemzüka yokadoktsü: aser nai parnok temenen ajak tzüyim tarok nung inoktsütsü.
Asenok ajak san ama lemang aia ao, asenok nisung shia pei lemangi meyip: aser asen tai menaba ajak Kibubai Pa dak benloktsüogo.
Pa timatemba tanela pai angutsü, aser temulung chia alitsü, Pa shisatsü agi kü temeshi tenzükeri jenti temeshi kümdaktsütsü aser pai parnok tai abentsü. Anungji tulur den ni pa shilem lemzüktsütsü, aser tashi aiter den pai oset tenzüktsütsüsa kechiaser pai pei taküm tasü tonga agütsü aser ozüng raksartem den züngsem: aji saka jenti pur temenen aben aser ozüng raksartem asoshi Pai mepishi.
Asüngji pa dangi Yisu aruba ngua pai ashi, Alima temenen bener aoba Tsüngrem San Chanu ajiang!
Lev. 16:22; T. Ken 103:12; Yer. 50:20; Mika 7:18,19; Isa. 53:6,11,12; Yn. 1:29
Oba, kü menen abentsü Ne chir Yisu Khrista yokba asoshi Ne tenüng asanger. Amen.