Kibuba taochi

Anüdoklen mopung aonba anogo nung Pai parnok tesashi mopung agi oner odaktsü (Isa. 27:8).
Tang asenoki Kibuba ket nung tsükti; kechiyong Pa yimlibilem tulu lir: aser ni nisung ket nung tetsükdaktsü (2 Sam. 24:14). Kechiyong na kümzüktsü asoshi Ni ne den lir ta Kibubai ashir;… Ni na ochiba agi arutsütsü, aser Ni na kodakanga memerenshii medoktsütsü (Yr. 30:11). Pai tetibo martsütsü; mesüra Pai ain adoka tetibo malitsü. Asen temenen yari Pai asen dang mebenshir, mesüra asen tai yari asen nem majangzüktsür. Kechiyong asen kechi agi yanglu Pai meteter; asenok ali dang ta bilemtetter (T.Ken 113:9,10,14). Anungji ni inyakba anogo nung kü pei rongsen ama parnok kü meyong asütsü, ta temeranger Kibubai ashir, aser oda nisung shibai pa tenzükba pei chir kümzüka yutsür, iba ama Ni parnok kümzüka ayutsü (Mal. 3:17).
Nisungi aremtettsüsa tatitangba alema nenok dangi tatitang maru, aser Tsüngrem temulung lemtetba asünung Pai nenok matitangdaktsütsü, saka nenoki aremtettsüsa Pai tatitang nung jenputsü lemang renemtsütsü (1 Kor. 10:13). Satani tsük ama septoktsü asoshi na agitsü mepitet. Saka na tamang tamakok mangutsü asoshi, Ni sarasadem (Luke 22:31,32).
Kechiyong tesashi nisungtem ain adokba atsüki jara anema yipru aitba ama alidang na sensaker dang tashi tait mitsa ama, mokokminer pa tejashi mapang nung tashi tait mitsa, yipru nungi jenokdak, tatsük nungi akhüm ka alitsü (Isa.25:4).
Kü taküm nungi jenokdak Na alitsü nangzük nung Ne tenüng asanger Kibur. Amen.