Kibuba tsübuba agi taküm leni anir

Kibuba tsübuba jagi taküm leni anir aser shibai aji aka, tiptema alitsü. Tamajungeri pa mesemdangtsü. A. Shin 19:23
Kibuba tsübubaji temoatsü meimchir ajaki amangbaji nükjidong aser alizüng ka ka yur amangteper, aser alizüngji Kotak aji agiba oner saka teyanglurbo akhüm metsübur. Saka Pa akhümtsübuba ajanga dang takümdakji atongtsü. Kechiaser Kibuba tsübubai taküm (Kotak) leni anir. Iba lenmang nung jajaba ajanga taküm, kibong tiptema alitsü.
Alima nung tiptema kibong, taküm, lokti kwi ali? Kwikati ibaji benshidar? Tiptema melitetba taküm ajanga kibong kangshir aser anisüngzük maka. Azü dokshi rara aika nungi adoker aser yimjung raksastsür. Asen Tsüngrem den tesendaktep junga lira ibaji Tsüngrem akhümtsbutsü tetenzük.
Apuani, chirnur, kiyonger, yimtsür yimer ajak denji tesendaktep junga yutsüra ibaji asen yimjung. Ibaji Kibuba akhümtsübuba süngjang. Ajak tiptema alitsü aser tamajung kechaia mesemdangtsü. Ibaji taküm Tsüngrem tenangzükba.
Sarasadem: O Kibuba, ni asr ozü kibong tiptema lia taküm leni arutsü yariangma. Amen.