Kibubai Shimtetba Yimsüsürtem

– Lipoksangla Jamir.

Kibubai shimtetba akhüm taket asen Naga nunger yimsüsürtem,
Asen lima kinük pezüsü len nungi teshimtet atenshiogo.
Ita anü sangwa ama nenok shisa mapa tajung agi,
Timtem mapang ajak nung taküm kümzüktsu jong medem
Nüburtemi nenok dak mulung lemteter.
Oh! Tematiba Tsüngremi maneni shisatsü temürük moajangma.

Alima nübur süneptsütsü aser yimli yangertsü teshimtet lenirtem
Kibubar yimli nenok dak lia nenok mapaji merendakjangni.
Oh! Tsüngremi shimtetba lensanirtem;
Tanü alima aser nüburtem awabanga wazüka yutetsü
Kibubai shisa tabensa apuokjangma.

Anepdang azüngtsü ma mopung tanep sensen medem
Walunir dak aria bilem, tamang katetba sangra
Tenem ma nung sungjen naro pongtet ama,
Oh! Kibuba leniba den sarasadema
Tsüngrem nüsong ma nung tsüngro songa,
Yimden yimli alangtettsü tsüngchi Kibubai moajangma.

Mei mapang ajungben tsüngsak mopung teli tzumok aten medem,
Alijak nung ajongben soittsu makokba leper wara agi (covid-19)
Alima ajak anokshia nübur mulung shimaka alidang
Nübur kumzüktsu meji lenir mapa tajung nung
Tebu Tsüngremi kotaker tesünep tsüngtsüng ola den taneptsü moshia yokangma.
Yimsüsür mapa ajak nung asen lima kumzüktsü asoshi
Tesangra shisatsu moajang ta sarasademtsür.
Amen.