Kibubai Temulungjang Bushir

Ni KIBUBAI temulung bushir aser temulungjang tendanger, nisung shia nem pei sentong yari, pai inyakbatem nung
tajangzük yari agütsütsü asoshi. Yiremia 17:10

Meimchir ka taküm nung temulungjang ya kanga tongtipang lir, aser ya Tsüngrem tsüngdanga kangasa tongtipang. Tsüngremji temulungjang bushiba Tsüngrem, anungji Pai meimchir mulungjang nung temerük, ochi aser temeshiba lir mali aji bushir. “Ajak dak alaka temulungjang tekelakba lir aser onsara majung”. (Yiremia 17:9)
Yisui parnok tebilembatem meteta ashi, “Kechiba nenoki nenok mulungjang nung tamajung bilemer? (Mathi 9:4). Tsüngremi meimchir temulungjang bushi nung Pai ajak angur, Pa nungi kecha meima meyutet. Anungji nisung shiai pei inyakba yari pai agütsütsü, temulungjang nungi adokba tajung inyakertem nem tajung agütsütsü aser tamajung inyakertem nem tamajung agütsütsü, aser itemji asen mapa masü saka asen temulungjang lir. Kechiaser Pai temulung telongtiba nung alibajia meteter. Aji asünung asen taküm lenmangtem merüka ali asü mali ta reprangdangtsü kanga tongtipang. Meimchir temulungjang ya ajak dang tamajungtiba aser tekülaktiba asünung iba yagi taküm, kibong, lokti yimden, sobaliba aser arogo nung aiben timtem aser tamajung benoka timtemdaktsür aser menena raksatsür. Aseni mapa tajung aika inyakaka asen mulungjang merükteta melira tajangzük maka. Anungji mapang ajak nung asen sasa asen mulung bushidanga tamajung tebilemba, mapatem aser shisatsü ajak indoker asen mulung ochi, temerük aser temeshiba semoker Tsüngrem den anogoshia jajadi aser aji Pai mulungba lir.
Sarasadem
Temeim Tsüngrem, kü mulungjang teraksa ya nai yanglujang aser ne tsüngdang merüka aser ochishia litettsü anogoshia nai ni yariangma. Amen