Kidambi Srikanth ‘Indonesian Masters’ final nung tamakok angu

Malang, December 06 (Agencies): US dollar 120,000 alang asayamung, ‘Indonesian Masters Grand Prix Gold’ final asaya nung Deobar nü India nungi badminton asayar tajungtiba rongnung ka ta züngshia alisang, Kidambi Srikanth-i kanga meranga asaya, ajisüaka pai 21-17 13-21 22-24 agi Indonesia nunger Tommy Sugiarto makok.
Srikanth-i iba asaya nung racket pezü tashi melentepa asaya, ajisüaka pai world no 12, Sugiarto koknüseta tera agidang makok. Iba asaya gondha ka shi asayaa liasü.
Taküm Swiss Open aser India Super Series nung takok angusang, world no 9, Srikanth ya Bodhbarnü nungi tenzüktsü aliba BWF Super Series Final, Dubai nung asayatsü sentong lir.