Kidambi Srikanth World Top Five nung tanaben densemer

New Delhi, October 29 (Agencies): India’er tebur badminton asayar tarensen nung temaba jenjang nung alisang, Kidambi Srikanth-i alima jenjang nung tebur badminton asayar tarensen nung World No. 5 jenjang anguba osang ka Badminton World Federation (BWF)-i tanü Brehostibar nü metetdaktsüogo.
Guntur nung asosang, Srikanth-i taoba mapang World No.3 jenjang ngua liasü.
Commonwealth Games champions, Parupalli Kashyap-a tsünglangleni jenjang 2 tashi lua tang World No. 12 nung aliba osang jangjaogo.
Tawa Dutch Open takok marok agizüksang, H.S. Prannoy marakzüi tang World No. 17 lir.
Tetsür singles shilem nung Olympic bronze medallist, Saina Nehwal aser double World Championship bronze medallist, P.V. Sindhu na tang World No. 2 aser World No. 13 jenjang nung lir.
2010 Commonwealth Games tetsür doubles shilem indang champions, Jwala Gutta aser Ashwini Ponnappa nata temaleni jenjang 2 tashi atuba sülen tang World No. 11 kümogo.
Tebur doubles tarensen nunga Manu Attri aser B. Sumeeth Reddy na tang World No. 18 lir.
Ajisüaka, mixed doubles asayar tarensen indang temaba asayar 25 rong nung India asayar ka dang densema mali.