Kidang aser kima yimtong ajak nung kasa alitsü: Emma Watson

December 3, 2015: Hollywood actress Emma Watson-i kidang aser kima yimtong ajak nung kasa alitsü, ta ashi.

“Ni shinga danga yimya balaka mesayur. Ki aser kima yimtong nung yimya balala sayua tangar den tesendaktep raksar ka mesüner. Aikati kidang aser kima yimtong na nung yimya balala sayur, saka kasa aliba ajanga dang tajangzük tuluba angur,” ta “Noah” film nung tongti shilem agila, Emma-i femalefirst.co.uk dang ashi.

“Ni yamaji ashibaji tamajung ashir amai, ajisüaka ni ochi jembitsü kanga jangrar aser makoktsü amai asüba mapa inyaka takok angutsü ni meranger. Actress Emma Thompson-i inyaktetba mapatem nung ochi ajiteter aser la ajanga ni kanga ajungmesor,” ta lai ashi.

Lai, “Harry Potter film nung Hermione Granger ama shilem agitsü asoshi anogo shia mapang talanglang inyak aser ibaji ajanga kü sasa ni bushidangtsü mapang mangu,” ta ashi.

Porter Magazine dang Emma Watson-i, “Tembartem pei sasa pei taküm bushidangdang nibo kü taküm tesadangka tangar taküm mesüka alitsü bushi. Hermione Granger ya shiba aser ni koma ser la mesüka la jilo itettsü ta bushidanga liasü,” ta ashiba femalefirst.co.uk ajanga metetdaktsü.

“Tanga arishi küm 25 buba nung, tan mezüngsüa ni kü sasa ni bushidanga sadoka alitsü meranger,” t alai ashi.