Kidang sinus timtem anepaluyim

Sinusitis koba dang sinus infection mesüra rhinosinusitis ta ajar iba timtem ya talisa asükwa mapang kanga bulur. Iba timtem temaitsü rongnung nep temekang (mucus), teni atangba, tejak angoba, temang metaba, tekolak menüba, terok mesaka angoba aser aketba densema lir. Sinus timtemji hopta pezü den ishiba süra iba dangji Acute Rhinosinusitis (ARS) ta ajar aser hopta 12 den timba timtemra Chronic Rhinosinusitis (CRS) ta ajar.
Kidang sinus timtem anepaluyim kar:
* Tzü peria ajemtsüla, shini madenba juice aser süngo tatsük ajemtsüla. Itemji ajemba ajanga nep apuapua kümdaktsüba den külemi tango sashiba lenmang sadema kümdaktsür. Yi, caffeine aser shini adenba majemtsüla aser moko machitsüla.
* Tashii aketdang cayenne pepper mesüra horseradish apple cider vinegar aser lemon juice den meyokteper ajemba ajanga nep aser alokmetzü ajema kümdaktsütsü.
* Teni atangba khen atema anisüngzük angutsü asoshi tejak massage asütsüla, koba ajanga nai tango sadema sashitettsü.
* Tzü tatsük nung Eucalyptus mesüra Peppermint oil tzüjang ana asem shi inoktsüla, aser nü teni sü agi nembar tzü tatsük tango ji asükettsüla.
* Haldi yangluba süngmok (Turmeric) mesüra süngmok nung anti-inflammatory curcumin lir, aser iba ya anti-oxidant ka lir, anungji na süngo ajemdang süngo tatsük nungji süngmok ajensaa inoker jemra ibaji ajanga teni atangbaji lapoktsü.
* Apple Cider Vinegar spoon ana-asem tzü mesüra süngo tatsük nung meyokteper anogo nung anaben-asemben ajemtsüla. Süngo mesüra tzü tatsük nungji lemon mesüra ninang mochitzü inoker ajemtsü junger.
Kodang yamaji anepalua tajungba kümdir nai infection den raratsü atema nü temang immune system tashi aittsü atema anepalutsüla.
(Source : Internet