Kids carnival tembangogo

Kisama, December 04 (TYO): Kids Carnival arena, Naga Heritage Village, Kisama nung school tanur ken tentepba sentong agiogo.
Iba tetoktepba ya telok ana lemdanger agi, Group B (Classes 4 to 6) aser Group C (Classes 7 to 9).
Group B nung Carragio School nungi Raland O Ngullie-i takok angu aser senpet sen 3,000 angu. Tanabuba jenjang nung Trinity School nungi Bendangsenla Pongen-i takok ngua senpet sen 2,000 agizük.
Group C tetoktepba nung Baptist Higher Sec. School nung azünger Vidisenuo Belho-i mezüng jenjang nung takok angu aser pa nem senpet 5,000 agütsü. Iba den külemi Christ King Higher Sec. School nung azünger Vivonuo Belho-i tanabuba jenjang nung takok ngua senpet sen 3,000 agizük.
Shilem agir ajak nem e central aser Gravity Showroom nati ‘gift vouchers’ agütsü.
Ano tang ‘Hornbill Junior photography competition’ tagidak lir aser shilem agir shiai December 8 nü mesüra iba anogo matongdang Hornbill benjung indang noksa 10 agütsütsüla. Iba tetoktepba atema The BEITS Enterprise-i sen tsütsü nungiter.