Kigwema nung Legal awareness agitsü

Kohima, Yimpoksüi/November 09, 2018 (TYO): Kigwema Baptist Church Centenary Education committee den Nagaland State Legal Services Authority nati senteper ayongzüka Yimpoksüi/November 11, 2018 nü anüngdang 11:00 ako nungi old village council hall, Kigwema nung legal awareness programme ka agitsü, ta ketdangsertem osang ka ajanga metetdaktsü.
Iba sentong ya sessions asem küma lemsar item onüktem nung agitsü: ‘Law relating to citizens’, Nagaland Village Council Act 1978 aser India temzüng nung Article 371 A. Iba sentong nung shisalen sayurtemji- Kohima Law College nung Assistant Professor, Kezhokhoto Savi, Gauhati High Court Kohima Bench additional advocate general Kekhriengulie aser NSLSA panel lawyer, Zasitsolie Beio nunger asütsü, ta kasa osang ajanga metetdaktsü.