Kikheto-i 24 buba Mt. Olive College asayamong tenzüktsüogo

Kohima, September 23 (TYO): Secretary, Government of Nagaland (Finance Department), Y. Kikheto Sema-i 24 buba Mount Olive College Kohima Annual Sports Meet asayamong tanü Bodbar nü tenzüktsüogo.
‘Fostering Sportsmanship’ omen nung ajemdaker iba asayamong ya Seikhazou, D. Khel Ground Kohima Village nung asayaba osang jangjaogo.
“Saisapongba ajanga temang aser tekolok naprongla junga lidaktsüba den külemi, asayar aser reprangertem na tsüngda telungjem kadaktsür,” ta tongti tesemdanger, Kikheto-i ashi.
“Nagaland-i tang yimjung aser telongjem nungdaka lir,” ta shia, Naga nunger ajungai Nagaland state nung terenlok lia tejakleni aotsü asoshi bendanga agüja inyaktsü tajungshiba olen ka pai metetdaktsü.
Nagaland Contractors & Suppliers Union nung Tir, Pele Khezhie-a tanü asayamong tenzükba sentong nung densema liasü.
Iba asayamong ya tan September ita 25 nü tembangtsü sentong renema lir.