Kikrukhrie-u nem DGNCC award agütsü

Kohima, January 24 (TYO): 24 Nagaland (I) Coy NCC Kohima, Nagaland nung civilian employee, Kr. Kikrukhrie-u, LDA nem akhümket sempet- Director General National Cadet Corps Commendation card agütsüogo; NCC Kohima Group Commander Brig K Venugopal-i la nem iba award agütsü, ta Lt Col Sumit K Sharma PRO (Defence)-i sangdong ka ajanga metetdaktsü.
Kikrukhrie-u-i mapa kanga nendaka inyakba ajanga 2019 küm December ita nunga la nem Governor’s Award (Meghalaya) agüja liasü.
Kikrkhrie-u-i la atema dang masü saka Nagaland state ajak atema kongang nüngsang bener arutsüba aser tatishitsü tajung sayuba atema NCC, Kohima group nung officers, Cadets aser staff tem ajak tenüng nung Brig K Venugopal-i la nem tenüngsang agütsü, ta kasa sangdong nung shia lir.