Killing Veerapan film December 11 nü sayatsü: Ram Gopal Varma

December 05, 2015: Film yangulur Ram Gopal Varma-i Kannada film mezüng direct asüba ‘Killing Veerappan’ December 11 nü sayatsü.
Asür Veerappan kinungtsü Mutthulakshmi den iba film atema tebilemtsü aser tetsükdaktsü kar adokba kanga junga angatettepogo aser ‘Killing Veerappan’ film ya December 11 nü sayatsü, ta Varma-i twitter ajanga metetdaktsüogo.
Iba film ya Telugu, Tamil aser Hindi oshitem nunga yanglutsü sentong lir.
Film nung actor Shivarajkumar-i Veerappan tepseter officer sang shilem agia lir aser iba den külemi National School of Drama nungi lanur tajung, Sandeep-i sandalwood shibelener shilem agia lir.
Iba thriller film nung actresses Yanga Shetty aser Parul Yadav nata shilem agia lir.