Kim Kardashian-i Pope ji “dope” ta ashir

September 25, 2015: Reality TV sentong nung shilem agila, Kim Kardashian-i Pope Francis ji tangatetba nung anünga lir (dope) ta ashiba ajanga Argentina nung kanga makmakshimakdaktsü.
Kim Kardashian-i Pope US-i aruba indang twitter ajanga lemsatepnüa liasü saka bilemba ama mesütet, ta mirror.co.uk ajanga ashi.
Lai iba mapang “The Pope is dope” ta tweet asü.
Argentina nung iba tweet ajanga makmakshimakdaktsü kechiba süra yangji aliba website ka ajanga “The Pope is dope” ji Pope temesepba mozü achir (the pope is drugs) ta meyipzüka liasü.
Nüburtem dang ‘Primicias Ya’ website-i, Kim Kardashian-i Pope anema jembir asü, ta asüngdanga liasü.
Iba sülen Kim sapur kati dope ji o tajung lir ta ashi.
Twitter amshir kati, “America nung ‘dope’ ji kangasa ajungba jembidang tetshir. Anungji social media nung jungjunga angateterang lemsatepdang,” ta metetdaktsüogo.