Kim Kardashian-i tsüngsem 1,000 tenlatsü

December 11, 2015: Bodhbar aonung Kim Kardashian lar jabaso nem mama yongdaktsüba mapang tetsür chanu ka nem tsüngsem 1,000 tenla agütsütsü mulungtet.

Kinungbo tenati tenlaba metetdaktsütsü atema masü saka tsüngsem 1,000 bushir tanutsüla aliba tesem jangjatsü atema lai twitter ajanga lar medemer den la telemtetba lemsatep.

“Ni ozü tanur nem TV repranga mama yongdaktsüba mapang tetsür chanu kati ‘Soles 4 Souls’ nem agütsütsü asoshi tsüngsem 1,000 nüngdaka bushiba ngua kü mulung nung kanga kongshi aser kinungbo kenati ajakji tenlatsü mulungtetogo ajisüaka iba tetsür chanuji kong aliar memetet,” ta twitter ajanga ashi.

Lai twitter ajanga Hurricane Katrina nung kümzker alila, Khristmas matong dang tsüngsem 1000 bententsü merangba jala den ajuruteptsü lenmang asüngdangtepa liasü.

Soles 4 Souls ya alima nung lendong arudang mulungtok yarir telok ka lir.