Kin 13-i shot put nung shilem agi; Suiriepeu Zeliang-i takok angu

Kohima, Dec. 04 (TYO): Naga Heritage Village, Kisama nung Department of Youth Resources & Sports-i Traditional shot-put tetoktepba ayongzüka agiogo, ta ketdangsertem osang ka ajanga metetdaktsü.
Iba tetoktepba nung kin 13-i shilem agi aser mezüngbuba, tanabuba aser tasembuba jenjang nung takok angurtemji- Suiriepeu Zeliang, Megorieto Chase Angami aser Likho D Sanga Garo nunger liasü.
Shot- put ya Nagaland nung Naga nunger aikati asayaba sobaliba saisapong ka lir. Iba asaya nung shilem agirtemi pa tashi den tasa sayua süng/longtem meta talangtibai aontsü meranger.