King Chilli (Raja mersü) Master’s Training kaogo

Dimapur, October 29 (TYO): Spices Board of India-i ayongzüka Bodhbar nü Peren district kübok Tesen Village, Council Hall nung King Chilli (Raja mersü) indang Master’s Training Programme kaogo; Iba training nung nisung 80 dak temai shilem agia liasü.
Shisalen sayur, Directorate of Horticulture, Nagaland nungi Senti Longchar (DK)-i iba mersü tsünüba nung ‘Nursery Raising Techniques and Management Practices’ onük nungi jembia liasü.
Paisa, King chilli tsünüba nung nutrient management kodang tongtibang, iba indangji lemsatep. King Chilli tsünertem den shisa lemsatepba mapang, ali nung micro nutrients deficiency aliba osang liasü aser iba atemaji Bio Zinc aser Magnesium amshitsü tuyu.
Spices Board, Field Officer, Vevotalu Rhakho-ia Board-i maparen balala inyaka aruba metetdakba den külemi Large Cardamom tsünübaren indang lemsatep.
Iba programme ya Harikrishnan S, Sr. Agri Demonstrator lenisüba nung agi aser Spices Baord, SET, Mhonbeni Tsopoe-i anküp tepela o jembia tembang.