King EU Security Commissioner shimer

Brussels, August 02 (Agencies): European Union (EU)-i par security commissioner inyaktsü asoshi tongti Britain nunger yimsüsür, Julian King tanü, Mongolbar nü shimogo.
Britain-i linük 28 züngsemba EU tentet toktsütsü renemshiba mapang ka nung EU-i King tan shima pa nem kiralongrar, cybercrime aser ozüng alema inyaktsü asoshi tentetba teloktem anema raratsü khuret benoktsür lir.
“Europe ajunga nung talisa, France aser Germany na nung tawa lendongtsüdong kanga sashia atalokba mapang ka nung tang France ambassador menden abensang, King-i EU lenisütsü menden benoker lir,” ta European Commission lenisang, Jean-Claude Junker-ia metetdaktsüogo.
King-i security commissioner akümba sülen European Commission-i yaküm, 2015 küm April ita agiba European Agenda on Security telemtetbaren mapa küma inyaktsü.
Britain-i EU toktsütsü telemtetba agiba sülen Jonathan Hill-i EU security commissioner menden nungi anenadok aser pa melena, King tan shimer lir.