‘King Kong’ Director John Guillermin süogo

October 01, 2015: ‘The Towering Inferno’ direct asüsang aser 1976 küm King Kong film yanglushia tangoksang, Britain nunger film director John Guillermin Los Angeles nung par kidang arishi küm 89 nung süogo.

Pa asüba osang tejangjaji pa tembar, Nick Redman-i ew.com ajanga metetdaktsü.

“Pa ya kanga tesashi saka jangratemtsü nisung ka liasü. Pai Hollywood-i aginüba ama film direct asü, ajisüaka Europe nunger libaliro tsütsüa kanga tashi ita liasü. Pai inyakba ajakji nüburtemi agizüktettsüsa aser pai yangluba film tajung aika lir,” ta Redman-i ashi.

Guillermin-i yangluba film tajung rongnung Shaft in Africa, Death on the Nile, El Condor, Skyjacked aser Sheena film tem lir.

Pa den külemi inyaker actor temji Orson Welles, Paul Newman, Jessica Lange, Fred Astaire, Peter O’Toole aser Faye Dunaway nunger lir.

Guillermin ya London nung aso, University of Cambridge nung azüng aser France nung pai mezüng documentary film meyanglu tsüngda Royal Air Force nung tenzüka liasü.