Kinungbo-i kinungtsü mi senoka rongdaktsü

Dhubri, Aami (June) 12 (Agencies): Dhubri district, Agomani police station kübok Koimari part III yimtsüng nung arishi küm 18 tain Khadiza Khatun la kinungbo Ajgar Ali-i senmen (dowry) bener maruba atema Tentonü anepdang mi sennoka rongdaktsü. Osang ajanga ashiba agi, la ya tanur bena lir.
Khadiza ya tang Gauhati Medical College and Hospital (GMCH) nung temang anepaludar aser taküm asoshi raraba mapang ka lir. La mezüngbo Dhubri civil hospital-i anir ao saka la anepaluba doctor-i la temang shilem 90 bo rongatokogo, ta ashi.
Iba sülen la temang tajungba anepalutsü atema GMCH-i anir aotsü asoshi tetuyuba agütsü.
Tena ita pongu tejakdang kibong aküm aser Khadiza ya tanur bener ita pezübuba liasü.
Lar kinungertemi ashiba agi, Ali aser par kinungertemi la tepsettsü asoshi tasa asa. Khadiza teti tambosang, Mostafajur Rahman Khan-i ashiba agi, par kinungertemi senmen bener marutetba atema la anogo shia mezüngmeshia merenshi aser anokmerena liasü.
Iba osang angazükba sülen Dhubri, circle officer, Joy Shankar Sarma Dhubri civil hospital-i aritepa ao aser la nungi kuli tejangja agia liasü.
Iba tatalokba dak sendakba nung tang tashi nung shinga pua mali.