Kinungbo joko timtem mali pelar lir:Celine Dion

July 08, 2016 : Celine Dion-i la kinungbo, asür Rene Angelil-i la reprangdar aser pa okronga timtemba anenba atema pela bilemer.
Nüngtugu ken ‘My Heart Will Go On’ atenla, Celine Dion kinungboi la den tena tanur René-Charles arishi küm 15 tain aser arishi küm 5 tain jakrep Eddy o Nelson nunger toktsür taküm January ita nung trok cancer agi süatokba ajanga la temulung kanga raksaa liasü, ajisüaka lai pa kinungbo tesem tajungba nung lir aser pai la reprangdar ta bilemer.
Lai, “Pa tangbo junga lir. Pai dak joko angoayangba kecha mali. Pai kanga pelaseta reprangzüka yokdar amai ni bilemer,” ta ashi.
“Asüba agi ajak meneptsü. Shisa bulu amatoktsü atema kechisarena nüngdak ajisüaka tanurtem angudang anitesüngzükba,” ta lai shisem.
Entertainment Tonight pur den interview agiba mapang, arishi küm 48 tain Celine Dion-i, “Ni kü temang make-up artist nem merenemdaktsür. Eyelashes taila inoker memetei tsük nungbo koda, ibajia maksü tuluba asütsü,” ta ashi.
“Ni sapurtem den ni tesentaktep tulu lir aser ibaji ajanga ni meraba ajak nung kanga nungiter. Parnoki ni tensa tajung aser tamajung ajak nung kanga nungiter. Parnoki ni kanga peladaktsür,” ta lai ashi.
“Ni sapurtemi ni atenba ken dang masü saka ni nungiter. Ni ajak dang kecha memiimshiba atema ni aija liasü saka tang iba süngjangji aonger,” ta laisa ashi.
Celine Dion-i, “Kinungbo sür ano ita troka majung dang iba sabang nung nokdakba ya kü sasa dangbo mokoktetla, ajisüaka kü manager alisang, kü kinungboi iba industry kanga meima liasü aser ni arishi küm 12 tain asüdang nungi tang iba jenjang tonga sayutetba ya pa mapa lir,” ta ashi.