Kinungtsü tepsetba aitsür: MTLT

Dimapur, June 6 (TYO): June 2, 2017 nü Lolenwati-i pa kinungtsü Moarenla tepsetba khukhua aitsür ta Mokokchung Town Lanur Telongjem (MTLT)-i sangdong ka nung metetdaktsü.
Arishi küm 76 tain tebur kati taochi melii aser nisung taküm mapayui pei kinungtsü tepsetbaji tesempatsüka aser meimchiri meinyakba mapa ka lir. Anungji, pa ozüng tapet kübok merenshitsüla, ta MTLT-isa metetdaktsü.
MTLT-i ozüng amertem dang aibelensangji ozüng tapet agi merenshitsü ayongzüker aser pa bail nung mechioktsü mepishir. MTLT-i tasür kibong den asüku aser tejashi lemsateper, tir Imkummeren Jamir-i sangdong nungsa shia lir.