Kiphire district ketdangsertemi film tatsü tetoktepba ayonger

Kiphire, Rongjui/Sept. 19 (TYO): Kiphire District Administration-i district nung nüburtem taginüba metettsü atema film tatsü tetoktepba ka ayongzükogo.
Video ji minute 1-3 shi asutsüla aser omenji- district koma renlokdaktsüner; anema alibaren aser shisaliok jenjang koma aginer aser district nung Disaster relief aser restoration activities koma nüngdaker.
Iba tetoktepba nung takok angur asem nem senpet Rs.3000; Rs.2000; 3rd Rs.1000 agutsütsü aser tetokteper nisung 10 nem consolation senpet Rs. 300 agutsütsü.
Iba dak sendakba nung SDO Kiphire, R. Wilfred, IAS-i, video ji mobile phone-a amshia tangoktsü akok aser video ji Sept. 30, 2018 nikongdang 5:00 ako tashi nungbo agutsütsüla; video soft copy ji NIC Kiphire nung agutsütsü akok mesüra phone number 9366074895 ajanga whatsapp asütsü akok, ta metetdaktsü.