Kiphire nung Assam Rifle sepaitemi NSCN (R) züngsem ka apu

Kohima, Monupii/May 07 (TYO): Osang ka angashiba sülen Monupii/May 7, 2018 nü HQ IGAR (North) kübok Assam Rifles, Kiphire Battalion-i police densema general area A Vongtsuvong, District Kiphire mita ao, ta AR sangdong ka ajanga metetdaktsü.
Mita aoba mapang nung Assam Rifles-i NSCN (R) züngsem ka ket nungi prangpong aser injang apu; iba nisungbaji Mutongre yim nung alir, Nyingshu’er jabaso arishi küm 29, S SLt Lensu lir ta jangjaogo, ta sangdong nung shia lir.
Pa ket nungi Muzzle Loading Rifle ka, 12 Bore rounds pezü, Point 303 indang amshiba cartridge 6, Camouflage pattern tola ka, Muzzle loading Wpn powder packet 2, Blank NSCN extortion slip 7, NSCN (R) Document 4 aser Mobile set ka apu. Maneni bushisüngdangtsü atema pua alisang den pa ket nungi apubatemji Pungro, Police Station ket nung agutsüogo, ta sangdong nungsa shia lir.