Kiphire nung assessement camp akatsü

Dimapur, Monupii/May 21 (TYO): District Education Mission Society Sarva Shiksha Abhiyan Kiphire-i achaayanga tenük agi mangur, tenarong agi mamgashir, senzüsenpong mesüteter aser lemtar aliba tanurtem atema EBRC hall Kiphire town nung May 22, 2019 nü Assessment Camp ka katsütsü.
Hearing aids tem; deformities aser assistive device nunger amala tenüngdakba apir agütsütsü. State ketdangsertem aser New Delhi nungi Star Key representatives tem iba camp nung arua adentsü, ta Kiphire DPRO sangdong ka ajanga metetdaktsü.